Сіла клімату

У рамках правядзення раённай экалагічнай акцыі "Месяц энергазберажэння" навучэнцы ДУА "Парыцкая сярэдняя школа імя А. М. Пінчука" далучыліся да міжнароднага экалагічнага праекта.

Навучэнцы старэйшых класаў школы сталі ўдзельнікамі міжнароднага Экаўрока "Сіла клімату"!

На ўроку была створана атмасфера, у якой удзельнікі змаглі абмеркаваць важную тэму змены клімату.

Школьнікі даведаліся, як глабальныя змены адбіваюцца на нас і прыродзе. Абмеркавалі прычыны, наступствы і практычныя крокі, якія дапамогуць знізіць уласны ўплыў на навакольнае асяроддзе. У абмеркаванні ўдзельнічалі 30 вучняў.

Такія заняткі садзейнічаюць экалагічнай асвеце моладзі і даюць разуменне важных тэм.