ДАІ правядзе прафілактычную акцыю "Дарога бяспекі!"

ДАІ правядзе прафілактычную акцыю "Дарога бяспекі!"

Дарожна-транспартныя здарэнні з удзелам дзяцей - актуальная праблема ў сучасным жыцці. Прычыны, якія паслужылі ўзнікненню ДТЗ - розныя, як і самі здарэнні.

За 6 месяцаў бягучага года з удзелам дзяцей-пешаходаў учынена 10 ДТЗ (з іх адно на сродку персанальнай мабільнасці), у якіх 2 падлеткі загінула і 8 - траўміраваны.

Толькі за чэрвень месяц б.г. на тэрыторыі вобласці адбылося 3 ДТЗ з удзелам непаўналетніх пешаходаў, у якіх 1 дзіця загінула і 2 атрымалі розныя траўмы.

Як паказвае статыстыка, менавіта ў канікулярны перыяд узрастае наяўнасць шэрагу пагроз для бяспекі дзяцей на дарозе, бо ў большасці выпадкаў у гэты перыяд дзеці прадстаўлены самі сабе.

У сувязі з гэтым, а таксама з мэтай папярэджання ДТЗ з удзелам непаўналетніх, у перыяд з 23 па 26 ліпеня 2024 года на тэрыторыі Гомельскай вобласці Дзяржаўтаінспекцыяй будзе праведзена прафілактычная акцыя «Дарога бяспекі!».

Увага праваахоўнікаў будзе накіравана на растлумачэнне дарослым удзельнікам дарожнага руху правілаў паводзін на дарозе з прыкладамі ўжо ўчыненых канкрэтных здарэнняў, звяртаючы ўвагу на неабходнасць пастаяннага кантролю за дзецьмі ў час іх знаходжання на вуліцы, а таксама мер прававой адказнасці ў выпадку неналежнага выканання абавязкаў у адносінах да дзіцяці (ч.1 арт.10).

Супрацоўнікамі ДАІ будуць праведзены рэйдавыя мерапрыемствы і, у выпадку выяўлення парушэнняў ПДР з боку непаўналетніх, з імі будзе праводзіцца тлумачальная работа па недапушчэнні ўчынення правапарушэнняў і небяспекі, якая чакае іх на дарозе.

Дзяржаўтаінспекцыя звяртаецца да ўсіх дарослых удзельнікаў дарожнага руху з пераканаўчай просьбай быць максімальна прадбачлівымі ў адносінах да дзяцей на дарозе, падаваць выключна станоўчы прыклад для пераймання, выконваючы Правілы дарожнага руху!

УДАІ УУС Гомельскага аблвыканкама